Компанијата Санофи одлучи да престане со производство на хумани инсулини на глобално ниво. Со самото тоа во светот почнува да се јавува недостиг на:

– Insuman® Basal SoloStar 100 i.u./ml

– Insuman® Comb 25 SoloStar 100 i.u./ml

– Insuman® Rapid SoloStar i.u./ml

Според информација од овдешното преставништво, во Македонија хумани инсулини од овој тип ќе има до крајот на тековната година. Оваа одлука за престанок на производство на хумани инсулини на Санофи се базира на зајакнување на производството на новите генерации на инсулини аналози, со што се подобрува ефикасноста во третманот на дијабетесот.

Здравјето, безбедноста и добробитта на пациентите е основното начело на Санофи и Amicus Pharma, Скопје кои се носители на одобрение за употреба на овој вид на хумани инсулини во Македонија. Она што треба да го направат пациентите во наредниот период, а кои се на инсулинска терапија на некој од погоре наведените хумани инсулини, е следното:

 • Закажете состанок со вашиот лекар пред обновување на инсулинската листа за да може да се најде соодветна алтернатива;

• Доцнењето во менувањето на инсулинската терапија може да резултира со пропуштање на дозите, што може да доведе до високо ниво на шеќер во крвта;

• Префрлањето на алтернативна инсулинска терапија да биде под надзор на здравствен работник и со внимателно следење на нивото на шеќер во крвта;

• Ако имате какви било прашања, разговарајте со вашиот лекар или фармацевт;

• Сите дополнителни совети да бидат во консултација со медицински работник.

Алтернативни хумани инсулини со иста формулација, но под друго име, кај нас има застапништвото на американската компанија Eli Lilly за Македонија.

Во прилог линк со информација од ЕМА (Европска агенција за лекови):
file:///C:/Users/Admin/Desktop/insuman-rapid-basal-comb-25-insulin-human-solution-injection-prefilled-pen-supply-shortage_en.pdf