За Баланс

Нашата приказна

За Баланс

Асоцијација за детски дијабетес на Македонија е едно од најстарите граѓанско-пациентски здруженија во Република Северна Македонија основано пред две децении, во 2002 година. Наш примарен интерес е грижата и заштитата на децата со дијабетес тип 1, но и на останатите лица со дијабетес тип 1, и тоа не само од аспектот на дијабетесот како животоздравствена состојба, туку и од аспект на социјалниот, воспитно-згрижувачкиот и образовен статус на децата со дијабетес тип 1 во текот на нивниот раст и развој.

Мисија

Мисијата на асоцијацијата е:

• обезбедување на квалитетен живот за децата и лицата со дијабетес тип 1 во нашата држава;

• олеснета и квалитетна контрола и следење на состојбата од страна на родителите на деца со дијабетес, проследено со континуирана поддршка, едукација и информирање од областа на дијабетесот тип 1;

• подигање на јавната свест и интензивирање на институционалниот ангажман, примарно во делот на квалитетна здравствена услуга и квалитетна и современа здравствена едукација ;

• поддршка на сите лица со дијабетес тип 1 за општествено етаблирање, особено во делот на образованието и згрижувањето на децата со дијабетес тип 1

Организираност и функционирање

БАЛАНС МК е национална организација, и таа во моментов преку родителите – членови на здружението, репрезентира околу 600 деца со дијабетес тип 1 и уште околу 4.500 возрасни лица со Т1 дијабетес во Македонија. Органи на БАЛАНС МК – Асоцијација за детски дијабетес на Македонија – Скопје се: Собрание, Претседател и Управен одбор. Собранието е највисок орган на Асоцијацијата и го сочинуваат сите полнолетни членови. Собранието избира Претседател со мандат од 4 години со право на повторен избор. Претседателот ја застапува и претставува Асоцијација

Управен одбор

Управниот одбор на БАЛАНС МК – Асоцијација за детски дијабетес на Македонија, е извршен орган на Собранието во кој секој член има еднакви права, обврски и одговорности за работењето и развој на здружението во согласност со постоечкиот Статут на здружението.

Членство во Баланс МК

Член на БАЛАНС МК – Асоцијација за детски дијабет на Македонија, Скопје може да биде секој полнолетен граѓанин, државјанин на Македонија, кој доброволно ќе пристапи кон Здружението со давање на писмена изјава. На веб-страницата https://balansmk.wordpress.com/ можете да најдете подетални информации за Асоцијацијата и пристапница за членство.

Баланс МК Фејсбук група

Баланс МК е особено активен преку својата фејсбук група, каде што активно партиципираат преку 1.500 родители на деца со Т1 дијабетес и лица со Т1 дијабетес и преку фан страната со над 5.000 следачи.

Истовремено, преку локалните здруженија за дијабетес низ
Македонија вкупно 25 на број, а сите обединети во Сојузот на
здруженија на дијабетичари на Македонија, остваруваме активна соработка и комуникација.

Баланс Мк – Асоцијација за детски дијабетес на Македонија на дневна основа активно соработува со Везире Старова, магистер по нутриционизам и сертифициран дијабетес едукатор, која е главен уредник на форумот http://forumdiabetes-mk.com/, каде можете да најдете информации поврзани со исхраната, нутритивната
вредност на храната, но и новости од светот на дијабетесот во смисла на технологии, терапии, споделени искуства.

asocijacijabalansmk