Дехидратацијата може значително да влијае на точноста на мерењата на системите за континуирано мониторирање за глукоза (CGM). Кога телото е дехидрирано, концентрацијата на глукоза во крвта и меѓуклеточната течност се зголемува, што може да доведе до „вештачки“ високи мерења на глукоза на CGM-от. Ова е затоа што системот за континуиран мониторинг ги мери нивоата на глукоза во меѓуклеточната течност, а намалениот волумен на течност поради дехидрација може да ја направи концентрацијата на глукоза навидум повисока отколку што всушност навистина е.

Правилната хидратација е особено важна кај сите, а особено кај децата и лицата со дијабетес. Во текот на летниот период, како и при практикување физичка активност, потењето, преку кое телото ги елиминира токсините, исто така доведува до дехидратација. Исклучително е важно да се консумираат доволно течности, пред се вода, во текот на едно деноноќие.

Симптомите на дехидратација можат да имитираат состојби на хипогликемија или хипергликемија. Дури и кога станува збор за добро конторлиран дијабетес, флуктуациите во нивото на шеќер во крвта може да траат. Кога шеќерот во крвта е висок, бубрезите работат дополнително за тој да се елиминира, што обично предизвикува често мокрење, па и појава на дехидрираност.

Како (де)хидратацијата влијае на мерењата на CGM:

• Зголемена концентрација на гликоза:

Дехидратацијата го намалува вкупниот волумен на течности во телото, вклучувајќи ја и меѓуклеточната течност што ја мери CGM системот. Ова води до поголема концентрација на глукоза во таа течност, предизвикувајќи сензорот да регистрира повисоко мерења.

• Лажно високи мерења:

Оваа зголемена концентрација може да резултира со лажно високи мерења на глукоза на CGM, дури и ако вистинското ниво на шеќер во крвта не се променило значително.

• Влијание врз спортистите:

Спортистите, кои често доживуваат дехидрација поради физички напор и потење, треба да бидат особено внимателни на хидратацијата за да обезбедат точни мерења на CGM.

• Останете хидрирани:

Пијте многу вода, особено за време на физичка активност и подолг престој на сонце, за да одржите соодветни нивоа на хидратација и да го минимизирате влијанието на дехидрацијата врз CGM мерењата.

• Следете ја бојата на урината:

Светложолтата или бистра урина е генерално добар показател за соодветна хидратација.

• Вкрстени мерења:

Размислете за комбинирање на CGM мерањата со повремени мерења со глукомер од капиларна крв.

• Надворешни фактори:

Имајте предвид дека температурата и надморската височина исто така можат да влијаат на точноста на CGM, затоа прилагодете го вашето следење соодветно.

СЕКОГАШ ИМАЈТЕ ВО ПРЕДВИД ДЕКА:

На децата им треба повеќе вода, тие дехидрираат побрзо од возрасните.

На постарите лица им требаат повеќе течности, обично поради нивната здравствена состојба или затоа што имаат тенденција да губат свест кога се жедни.

На мажите им требаат повеќе течности отколку на жените, а на бремените им требаат повеќе течности од другите жени.

На луѓето со поголема телесна тежина им треба повеќе вода.

Кога ќе почнете да чувствувате жед, веќе сте дехидрирани.

Со тоа што ќе останете соодветно хидрирани и ќе го земете предвид потенцијалното влијание на дехидрацијата, поединците кои користат CGM мерења можат да ја подобрат точноста на нивните мерења и подобро да го управуваат своето здравје.

Пишува: Наташа Д. Димитриевска