На интерактивна Кулинарско-едукативна работилница за деца и родители, и децата со дијабетес мелитус тип 1 го одбележаа Светскиот ден на дијабетесот – 14 Ноември. Под надзор на родителите, нутриционист и дијабетес едукатор, децата сами приготвуваа и дегустрираа храна, воедно учејќи како да бројат јаглехидрати и да приготвуваат храна од здрави состојки. Во текот на работилницата, како децата така и родителите, добија насоки и информации за важноста од избор на здрава храна како и основи за нејзиниот состав.

На овој настан беше промовирина и првата работна тетратка за деца со дијабетес „Здраво и вкусно“, чии автори се Везире Старова – нутриционист и Наташа Д. Димитриевска – сертифициран дијабетес едукатор. Ова издание рецензентски е одобрено од нашите спец. педијатри ендокринолози. На нашите мали готвачи на настанот им беше даден примерок од оваа едукативна работна тетратка. Остатокот од тиражот во издание на БАЛАНС МК – Асоцијација за детски дијабетес на Македонија, ќе биде дониран на Одделението за енодкринологија при Клиниката за детски болести – Скопје, а е наменето за новодијагностицираните дечиња со ДМТ1.

Родителите пак, на овој настан во организација на БАЛАНС МК, добија примерок од книгата на Везире Старова – „Да се храниме и да готвиме здраво”.

Фото галерија: